जनरल इन्स्योरेन्स कम्पनी General Insurance Company Nepal ले निष्काशन गरेको आईपिओ भोली मंगलबार बिहान बाँडफाँड हुने भएको छ । बिक्रि प्रबन्धक एनआईबिएल एस क्यापिटलले बिहान १०:३० बजे शेयर बाँडफाँड गर्ने तयारी गरेको हो । क्यापिटल फेसबुक पेज मार्फत लाइभ गरेर आईपिओ बाँडफाँड गर्न लागेको हो ।
कम्पनीले प्रति शेयर एक सय अंकित दरको ३० लाख कित्ता साधारण शेयर निष्काशन गरेको हो । जस मध्ये १ लाख २० हजार कित्ता शेयर कर्मचारीको लागि र १ लाख ५० हजार कित्ता सामुहिक लगानी कोषको लगी छुट्याईएको छ । बाँकि रहेको २७ लाख ३० हजार कित्ता शेयरमा सर्वसाधारणले आवेदन दिएका हुन् ।
कम्पनीको आईपिओमा ८ लाख बढीले आवेदन दिएका छन्। धेरै माग भएकोले गोलाप्रथाबाट शेयर बाँडफाँड हुने छ र २ लाख ७३ हजार जनाले मात्र शेयर पाउने छन् । यस हिसाबमा ५ लाख बढी आवेदक हात खाली हुने छन् । कुनै पनि आईपिओमा ८ लाख बढीले आवेदन दिएको यो नै पहिलो पटक हो ।
