नेपाल निर्माण व्यवसायी संघका अध्यक्ष शरदकुमार गौचनको हत्यामा संलग्न एक जनालाई प्रहरीले पक्राउ गरेको छ । गत २३ असोजमा दिउँसो नयाँ बानेश्वरस्थित घरबाट निस्कने क्रममा अज्ञात समूहले उनको गोली हानी हत्या गरेको थियो । गाडीमा रहेका बेला गौचन माथि गोली प्रहार भएको थियो । गाडीको शिशा छेडेर गौचनको पेटमा गोली लागेको थियो ।
महानगरीय प्रहरी अपराध अनुसन्धान महाशाखाको टोलीले हत्यारालाई पक्राउ गरेको हो । प्रहरीले दिउँसो तीन बजे हत्यारालाई सार्वजनिक गर्ने तयारी गरेको छ । प्रहरीले पक्राउ परेका व्यक्तिको नाम भने सार्बजनिक गरेको छैन ।