भारतीय विदेशमन्त्री एस जयशंकर नेपाल आउने भएका छन् । नेपाल–भारत संयुक्त आयोगको बैठकमा भाग लिन उनी भदौ ४ गते विहान नेपाल आइपुग्ने भएका हुन् ।
जयशंकरले नेपालमा राष्ट्रपति विद्यादेवी भण्डारी, प्रधानमन्त्री केपी शर्मा ओली, सभामुख कृष्णबहादुर महरालाई छुट्टाछुट्टै भेट्ने छन् । भदौ ४ गते आयोगको बैठकपछि परराष्ट्रमन्त्री प्रदीप ज्ञवालीले मन्त्री जयशंकरलाई दिवा भोज दिनेछन् । उनी भदौ ५ गते विहानै भारत फर्किने कार्यक्रम छ ।
नेपालमा संविधान निर्माणको बेला दुतको रुपमा नेपाल आएर एस जयशंकरले शीर्षस्थ नेतालाई भेटेर संविधान निर्माणमा ढिलाई गर्न आग्रह गरेका थिए । उनको सुझाव मान्दै दुई दिनका लागि संविधान घोषणाको काम स्थगित गर्दै आन्दोलनरत पक्षलाई वार्ताका लागि बोलाईएको थियो । तर दुई दिनमा एकपटक पनि वार्ता भएन ।
त्यसपछि फर्केका जयशंकर भारत पुग्नासाथ नेपालमाथि नाकाबन्दी लगाएका थिए । उनलाई नकाबन्दकिो डिजाइनर मानिन्छ ।