लोकन्थलीको पेट्रोल पम्पमा आगलागी, ४ जना घाइते

मोहम्मद अज्मत अलि

मोहम्मद अज्मत अलि

Jun 27, 2017 | 09:07:13 PM मा प्रकाशित

laxmi  sunrise bank

मध्यपुर थिमी नगरपालिका–१ लोकन्थली मनोहरास्थित सिद्धार्थ पेट्रोलपम्पमा मंगलबार साँझ आगोलागी भएको छ । ध्रुव महर्जनद्वारा सन्चालित सिद्धार्थ पेट्रोलपम्पमा भएको आगोलागीमा परी चारजना घाइते भएका छन् ।

पम्पसँगै पसल गरी बस्ने सीता तामाङ जलेर घाइते भएकी छन् भने उनका श्रीमान राम तामाङ, मजदुर निराजन उप्रेती र ट्यांकरका सहचालक पवन श्रेष्ठ भाग्नेक्रममा घाइते भएका छन् ।

घाइतेमध्ये तीनजना उपचारपछि घर फर्केका छन् भने सीता तामाङको शिक्षण अस्पताल महाराजगन्जमा उपचार भइरहेको महानगरीय प्रहरी बिट थिमीका प्रहरी नायब उपरीक्षक श्यामबाबु ओलियाले जानकारी दिए ।

पम्पमा रहेको अग्नि नियन्त्रक यन्त्र र भक्तपुर बारुणयन्त्रको सहयोगमा आगो नियन्त्रणमा आएको छ । क्षतिको विवरण भने आउन बाँकी छ । रासस

Share Your Thoughts

Recent News

Main News

Close in 7


Bizpati.com © 2020. All Rights Reserved