काठमाडौं । इंग्लिस प्रिमियर लिग फुटबल अन्तर्गत शुक्रबार राति भएको खेलमा क्लब ब्राइटनलाई २–१ ले हराउदै बोर्नमाउथ विजयी भएको छ । घरेलु मैदानमा भएको खेलमा बोर्नमाउथले यहि सिजन प्रिमियर लिगमा बढुवा भएको क्लब ब्राइटनलाई हराउन सफल भएको हो ।
बोर्नमाउथको जितमा एण्ड्रयु सर्मन र जर्मेन डिफोले गोल गरे । ब्राइटनका लागि सोली मार्चले एक गोल गरे । पहिलो हाफमा गोलरहित बराबरी भएको खेलमा ५५ औं मिनेटमा मार्चले गोल गर्दै ब्राइटनलाई सुरुवाति अग्रता दिलाए । तर ६७ औं मिनेटमा सर्मनले बोर्नमाउथका लागि बराबरी गोल फर्काए । ७३ औं मिनेटमा डिफोले गोल गरेपछि बोर्नमाउथले २–१ को जित निश्चित गर्यो ।