नेपाल क्रिकेटको डिभिजन टुमा घटुवा भएको छ । आईसीसी विश्व क्रिकेट लिग च्याम्पियनसिप अन्तर्गत हङकङबिरुद्धको दोस्रो खेलमा बर्षाका कारण रद्ध भएपछि नेपाल डिभिजन टुमा घटुवा भएको हो ।
हङकङमा आइतबारको लागि निर्धारित खेल सामुद्रिक तुफानकारण रद्द गरेर आज सोमबारको लागि सारिएको थियो । तर आज पनि बर्षाको कारण खेल हुन् सकेन र खेल स्थगित भएको घोषणा गरियो । खेल स्थगित भएसंगै दुवै टोली टोलीले १-१ अंक बाडेका छन् । अंक बाडे संगै नेपाल विश्व क्रिकेट लिग च्याम्पियनसिपको शीर्ष चार भित्र पर्ने सम्भावना समाप्त भएको छ । शिर्ष ४ मा नपर्ने टोली डिभिजन टूमा घटुवा हुने प्रावधान भएकाले नेपाल डिभिजन टु मा जाने भएको हो ।
अहिले जारी प्रतियोगिताको शिर्ष ४ मा रहने टोलीले कदिवशीय विश्वकपको छनोट खेल्ने छन् । त्यस्तै शिर्ष ४ मा नपर्ने ४ टोलीले भने डिभिजन टु खेल्ने छन् । त्यस प्रतियोगितामा शीर्ष दुईभित्र पर्न सफल भएमा मात्र नेपालले विश्वकप छनोट खेल्ने अवसर पाउने छ ।
डिभिजन टूमा डिभिजन वानबाट घटुवा भएका नेपाल, नामिविया र युएई खेल्ने छन् । त्यस्तै डिभिजन थ्रीबाट बढुवा भएका क्यानडा र ओमानले पनि डिभिजन टू खेल्ने छन् ।
अर्को एक टोलीको भने टुंगो लागि सकेको छैन । डिभिजन टु को खेल सन् २०१८ को फेब्रुअरिमा नामिबियामा हुनेछ ।