टी–२० विश्वकपको एशिया छनोट अन्तर्गतको अन्तिम चरणको खेल तालिका सार्वजनिक भएको छ । आगामी साउन ६ गतेदेखि १२ गतेसम्म सिङ्गापुरमा हुने खेलको तालिका अन्तर्राष्ट्रिय क्रिकेट परिषद् (आइसिसी) ले आज सार्वजनिक गरेको हो ।
एशिया छनोटको फाइनल चरणको प्रतियोगितामा नेपालले पहिलो प्रतिद्वन्द्वी कतार पाएको छ । नेपालले कतारसँग आगामी साउन ७ गते खेल्नेछ । त्यस्तै दोस्रो खेलमा मलेशियासँग साउन ९, कुबेतसँग साउन ११ र सिङ्गापुरसँग साउन १२ गते खेल्नेछ ।
एशिया छनोटबाट शीर्ष दुई टोलीले विश्वकपको ग्लोबल छनोटमा स्थान बनाउने छन् । ग्लोबल छनोट आगामी असोज १४ देखि कात्तिक १७ गतेसम्म युएइमा आयोजना हुनेछ ।
