जल तथा मौसम विज्ञान विभागले बाग्मति प्रदेश र प्रदेश न. २ मा सतर्कर्ता अपनाउन आग्रह गरेको छ । विभागले यी स्थानमा मेघ गर्जन/चट्याङ सहित वर्षा गराउने बादल विकशीत भएका कारण मेघ गर्जन/चट्याङ हावाहुरी लगायत वर्षा भैरहेकोले सतर्कता अपनाउन आग्रह गरेको हो ।
उक्त प्रणाली पूर्वतिर सर्दै गएकोले विभागले जनाएको छ। विभागले आज देशका मध्य र पूर्वी भू-भागमा सामान्य देखि पूर्ण बदली रही बाँकी भू-भागमा आंशिक देखि सामान्य बदली रहने जनाएको छ।विभागका अनुसार आज मध्य र पूर्वी भू-भागका धेरै स्थानहरुमा र पश्चिमी भू-भागका थोरै स्थानहरूमा मेघगर्जन/चट्याङ्ग /असिना र हावाहुरी सहित वर्षाको सम्भावना रहेको छ।
त्यस्तै विभागले आज राति देशभर आंशिक देखि सामान्य बदली रहि मध्य र पूर्वी भूभागका थोरै स्थानमा र पश्चिमि भू-भागका एक दुई स्थानमा मेघगर्जन/चट्याङ्ग सहित वर्षाको सम्भावना रहेको जनाएको छ।
हाल बाग्मति प्रदेश र प्रदेश न. २ मा विकसित मेघ गर्जन/चट्याङ सहित वर्षा गराउने बादल विकशीत भएका कारण मेघ गर्जन/चट्याङ हावाहुरी लगायत वर्षा भैरहेको र उक्त प्रणाली पूर्वतिर सर्दै गएकोले आवश्यक सतर्कता अपनाउनु हुन अनुरोध छ। pic.twitter.com/1578b26fMy— Nepal Weather Forecast (@DHM_Weather) April 24, 2020