बुधबार काठमाडौँ उपत्यकाका ६२ जनामा कोरोना पुष्टि भएको छ । उपत्यकाका विभिन्न अस्पतालमा गरीएको स्वाब परीक्षणमा काठमाडौँका ५७ जना र ललितपुरका ५ जनामा कोरोना देखिएको हो ।
पछिल्लो समय काठमाडौँ उपत्यकामा कोरोना संक्रमित बढ्दै गएका छन् । यसअघि हिजो मंगलबार पनि उपत्यकाका ६२ जनामा कोरोना देखिएको थियो ।स्वास्थ्य तथा जनसंख्या मन्त्रालयका अनुसार आज देशभर थप ३८१ जनामा कोरोना भाइरसको संक्रमण पुष्टि भएको छ । हालसम्म ६० जनाको कोरोनाका कारण मृत्यु भएको छ ।
