धान खेतमा स्मार्ट सवारी चालक अनुमति पत्र भेटिएपछि यातायात व्यवस्था कार्यालयमाथि गम्भीर प्रश्न उब्जिएको छ। सेवाग्राहीलाई वितरण गर्न राखेको करिब ५ सय थान लाइसेन्स धान खेतमा भेटिएपछि यसबारे अनुसन्धान भईरहेको कार्यलयले जनाएको छ।
कार्यलयका प्रमुख विपिन कर्णले वितरण गर्न राखेको ५ सय थान लाइसेन्स धान खेतमा भेटिएको स्वीकार गर्दै यसबारे अनुसन्धान हुने बताए। कार्यालयको कोठामा सुरक्षित राखिएको लाइसेन्स धान खेतमा कसरी पुग्यो भन्नेबारे अनुसन्धान भइरहेको छ उनले भने।
जनकपुरको मुजेलियास्थित यातायात कार्यालय नजिकै रहेको धान खेतमा सवारी चालक अनुमतिपत्र भेटिएपछि मजदुरहरूले लाइसेन्स बटुलेर बुधबार अपरान्ह कार्यालयमा बुझाइदिएका थिए ।
