सेयरबजार साप्ताहिक समिक्षा: नेप्सेमा दोहोरो अंकको गिरावट, यी हुन उच्च पूँजीकरण भएका १० कम्पनी

यस साता पुरै ५ दिन सेयर कारोबार भएको छ। कारोबार मापन गर्ने नेप्से परिसूचक अधिकतम ११६४।८९ न्यूनतम, ११६०।५९ र बन्द हुँदा ११६१।६३  कायम भएको छ । गत हप्ता नेप्से सूचक ११७२.७८ मा बन्द भएको थियो ।

यस हप्ता बजार पूँजीकरण १४ खर्ब १७ अर्ब २१ करोड ६० लाख कायम भएको छ । गत हप्ता १४ खर्व ३० अर्व, ८० करोड ८२ लाख कायम भएको थियो । अघिल्लो हप्ताको तुलनामा यस हप्ता बजार पूँजीकरण शून्य दशमलव ९५ प्रतिशतले घटेको छ।

बजार पुंजीकरण 

विषय	यस हप्ता	अगिल्लो हप्ता	फरक
पूँजीकरण (रु.)	१४,१७,२१,६०,००,०००	१४,३०,८०,८२,००,०००	-०.९५ प्रतिशत
कारोबार रकम (रु.)	१,३३,८१,८०,०००	१,६२,५७,८०,०००	-१७.६९ प्रतिशत
दैनिक कारोबार (रु.)	२६,७६,४०,०००	३२,१५,६०,०००	-१७.६९ प्रतिशत
कारोबार (संख्या)	२६,६८८	४६,८३४	-४३.०२ प्रतिशत
नेप्से सूचक	११६१.६३	११७२.७८	-११ अंक

बजार समाचार 

चालू आर्थिक बर्ष सकिएको ६ महिना बितिसक्दा कतिपय कम्पनीले साधारणसभा आव्हान समेत गरेका छैनन्| नेप्सेमा सूचिकृत २ सय ३ वटा कम्पनी मध्ये करिब १०० वटाले मात्र गरेका अनुमान गर्न सकिन्छ | जीवन र निर्जीवन विमा समुहका कुनै  पनि कम्पनीले सभा आव्हान गरेका छैनन् | तुलनात्मकरुपमा उच्च सुशासन भएका भनिएका वाणिज्य बैंक मध्ये ९ वटाले अझसम्म पनि साधारणसभा आव्हान गरेका छैनन् | नेपाल कमर्श एण्ड कमर्श, कुमारी र सिभिलले आर्थिक वर्ष २०७३/७४ देखिको सभा गर्न बाँकी रहेको छ |

त्यस्तै सूचीकृत २७ वाणिज्य बैंकमध्ये आजसम्ममा १७ वटाले दोस्रो त्रैमासिकको वित्तीय विवरण प्रकाशन गरेका छन् । प्रकाशित वित्तीय विवरण हेर्दा सबैले उत्साहित पार्ने किसिमले नाफा आर्जन गरेको देख्न सकिन्छ ।

त्यस्तै अन्य कम्पनीको पनि वित्तीय प्रतिवेदन सन्तोषजनक देखिएको छ । तर लगानी गर्नेले आफ्नो लगानी क्षमतालाई आँकलन गरेर लगानी गर्दा त्यसको सुनिश्चित लाभ पाउन सकिन्छ ।

यस हप्ता पोखरा फाइनान्स, महालक्ष्मी विकास बैंक र नागरिक लगानी कोषका बोनस शेयर सूचीकरण भएका छन | जानकी फाइनान्स, रिडी हाइड्रोपावर, हाम्रो विकास बैंक र निर्धन उत्थान लघुवित्तले धितोपत्र वोर्डमा बोनस शेयर दर्ता गरेका छन् |  

उच्च पूँजीकरण भएका १० कम्पनी 

नेपाल दूरसञ्चार कम्पनीलाई पूँजीकरणमा जित्न अझ केहि वर्ष लाग्ने देखिन्छ | उच्च पूँजीकरण भएका १० वटा कम्पनीको विवरण निम्न रहेको छ |