आइएमई जनरल इन्स्योरेन्सको सेयरमूल्य समायोजन भएको छ । कम्पनीले गत आर्थिक वर्षको नाफाबाट प्रस्ताव गरेको बोनस शेयर र साधारण सभाको बुकक्लोजसँगै नेपाल स्टक एक्सचेन्ज (नेप्से) ले कम्पनीको शेयरमूल्य समायोजन गरेको हो ।
नेप्सेले कम्पनीले प्रस्ताव गरेको ७ प्रतिशत बोनस शेयर समायोजन गरी प्रतिकित्ता १ हजार १७५ रुपैयाँ निर्धारण गरेको छ । बिहीबार इन्स्योरेन्सको समायोजित शेयरमूल्यलाई आधार मानेर कारोबार खुल्नेछ । नेप्सेले मंगलबार कारोबार भएको अन्तिम कारोबार मूल्य १ हजार २५७ रुपैयाँका आधारमा बोनस समायोजन गरी नयाँ मूल्य निर्धारण गरेको हो ।
कम्पनीले गत आर्थिक वर्षको मुनाफाबाट शेयरधनीहरुलाई ७ प्रतिशत बोनस शेयर र ०.३७ प्रतिशत नगद लाभांश (कर प्रयोजनसहित) वितरण गर्ने प्रस्ताव गरेको छ । वैशाख १२ गते आह्वान गरेको सभाले उक्त लाभांश अनुमोदन गराउनेछ ।
