जनरल इन्स्योरेन्स कम्पनी नेपालको तेस्रो वार्षिक साधारण सभा स्थगित भएको छ । कम्पनीको २०७८ वैशाख २४ मा बसे बसेको संचालक समितिको बैठकको निर्णयले साधारण सभा स्थगित गरेकाे हाे ।
हाल संसारभर महामारीको रुपमा फैलिएको कोरोना भाइरसको कारण काठमाडौं उपत्यकामा निषेधाज्ञ जारी भएको र नेपाल सरकारले सबै प्रकारका सभा, सम्मेलन, गोष्ठी, तालिम, सेमिनार, सिनेमा हल, पार्टी प्यालेस, खेलकुद, पुस्तकालय आदि संचालन गर्न नपाइने र १५ जना भन्दा बढी भेला नहुन निर्देशन जारी गरेको व्यवस्थालाई मध्यनजर राख्दै साधारण सभा स्थगित गरेकाे कम्पनीले जनाएको छ ।
साधरणा सभा अर्को सुचना जारी नभए सम्मको लागि स्थगित गरिएको कम्पनीले जनाएको छ । कम्पनीले २०७८ बैशाख २६ गतेका दिन साधारण सभा आह्वान गरेको थियो ।
