मोटरसाइकल तथा स्कुटर उत्पादक कम्पनी हिरो मोटोकर्पले नयाँ माएस्ट्रो एज ११० सार्वजनिक गरेको छ ।
‘कनेक्ट’ सम्पर्क सञ्जालयुक्त स्टाइलिस माएस्ट्रो एज ११० विशेषगरी नेपालका ग्राहकहरूका लागि उपयुक्त डिजाइन रहेको कम्पनीको दाबी छ ।
नयाँ माएस्ट्रो एज ११० मा यस वर्गकै पहिलो ‘फस्ट इन सेगमेन्ट’ एलईडी प्रोजेक्टर हेडलाइट, पूर्ण डिजिटल स्पिडोमिटर, आई३एस स्टार्ट स्टप प्रणाली, ब्लुटुथ कनेक्टिभिटी, कल अलर्ट र टर्न–बाइ–टर्न नेभिगेसन सहित नयाँ शार्पर डिजाइन छ ।
माएस्ट्रो एज २ लाख १५ हजार रुपैयाँमा देशभर उपलब्ध हुनेछ ।
हिरो मोटोकर्पका ग्लोबल बिजनेस प्रमुख सञ्जय भानले सार्वजनिकरणका अवसरमा ग्राहकलाई केन्द्रविन्दुमा राखेर नेपालमा हामी ग्राहकहरूलाई नवीनतम प्रविधि र डिजाइनसहितको बढी सान्दर्भिक उत्पादनहरू उपलब्ध गराउन प्रतिबद्ध रहेको र नयाँ माएस्ट्रो एज ११० ले युवाहरूलाई उत्कृष्ट अनुभव प्रदान गर्ने विश्वास व्यक्त गरे ।
नेपालमा हिरो मोटोकर्पको एकमात्र वितरक नेपाल जनरल मार्केटिङ (एनजीएम)े छ र यस कम्पनीले ७५ डिलरहरू, ८७ सर्भिस सेन्टर र ९० स्पेयर पार्ट आउटलेटहरू सहित देशभरका ९० वटा बिक्री केन्द्र मार्फत आफ्ना ग्राहकहरूलाई सेवा प्रवाह गर्दै आएको छ ।
नेपालमा हिरो मोटोकर्पको बिक्री दायरामा एचएफ डिलक्स, स्प्लेन्डर+, सुपर स्प्लेन्डर, ग्ल्यामर, हंक १५० आर, एक्सट्रीम १६० आर, एक्सपल्स २००, एक्सपल्स २०० टी मोटरसाइकल र प्लेजर+ प्लेटिनम, माएस्ट्रो एज ११० र डेस्टिनी १२५ स्कुटर रहेका छन् ।