इतिहासमै पहिलोपटक नाडा अटोमोबाइल्स एसोसियसन अफ नेपालले आयोजना गरेको नाडा ईभी एक्सपो (विद्युतीय सवारीको प्रदर्शनी)मा सबैभन्दा धेरै टाटाका गाडी बुकिङ भएका छन् । विद्युतीय सवारीको प्रदर्शनी भएकाले सबैभन्दा धेरै टाटाको नेक्सन बुकिङ भएको हो ।
टाटाको नेक्सन इभी १३० वटा बुकिङ भएको छ ।
टाटापछि हुन्डाईको कोना धेरै बुकिङ भएको छ । हुण्डाईको विक्रेता लक्ष्मी ग्रुपको लक्ष्मी इन्टरकमिन्टनेन्टलले आयोनिक–५ र कोना प्रदर्शनीमा राखेको थियो । आयोनिक–५ ३ वटा र कोना ५६ वटा बुकिङ भएको छ।
बिवाइडीको विक्रेता साइमेक्स इन्कका अनुसार ५० वटा ई–६ बुकिङ भएको छ ।
२ पांग्रे तर्फ हिरो इलेक्ट्रिकको ४० वटा स्कुटर बुकिङ भएको छ ।
नाडाका अध्यक्ष ध्रुव थापाले नेपालमै पहिलो पटक आयोजना गरिएको ईभी एक्स्पो सफलताका साथ सम्पन्न भएको बताएका छन् ।
