यामाहा नेपालले स्मार्ट मोटर जेनेरेटर सहितको बहुप्रतिक्षित रे जेडआर १२५ हाइब्रिड स्कुटर सार्वजनिक गरेको छ। स्टाण्डर्ड, डिलक्स र प्रिमियमर र प्रिमियम प्लस गरि रे जेडआर १२५ हाइब्रिड चार ट्रिमहरूमा उपलब्ध भएको कम्पनीले जनाएको छ।
कम्पनीकाअनुसार रे जेडआर १२५ हाइब्रिडको केन्द्रमा शक्तिशाली एयर कूल्ड, फ्युल इन्जेक्टेड ९ँष्० १२५ सीसी ब्लू कोर इन्जिन रहेको छ। रे जेडआर १२५ शृङ्खलाको हाइब्रिड भेरियन्टहरूले स्मार्ट मोटर जेनेरेटरलाई गतिरोधको समयमा शक्ति सहायता प्रदान गर्दछन् ।
साइलेन्ट स्टार्टरको रूपमा पनि चिनिने यो उन्नत प्रणाली शहरको सवारी अवस्थाहरूमा जिप्पियर प्रदर्शन र इन्धन दक्षतालाई मद्दत गर्न इलेक्ट्रिक मोटरको रूपमा दोब्बर हुन्छ । इलेक्ट्रिक पावर सपोर्टको सिमलेस एकीकरणले इन्धनको बचत मात्र गर्दैन, समग्र सवारी अनुभवलाई पनि बढाउँछ ।
रे जेडआर १२५ हाइब्रिड एक पुन: डिजाइन गरिएको, पूर्ण रूपमा डिजिटल इन्स्ट्रुमेन्ट क्लस्टर र मानकको रूपमा एलईडी हेडल्याम्पले सुसज्जित रहेको कम्पनीको दाबी छ। यसले सवारी चालकहरूको लागि अधिकतम भिजिबलिटी र सुविधा सुनिश्चित गर्ने समेत कम्पनीको दाबी छ।
१४५ एमएमको ग्राउन्ड क्लियरेन्सको साथ मात्र ९९ किलोग्राममा उल्लेखनीय रूपमा हल्का यसमा युनिफाइड ब्रेकिङ सिस्टम (यूबीएस), साइड स्ट्यान्ड इन्जिन कट (अफ फङ्सन, र २१ लिटर अन्डरसीट भण्डारण जस्ता सुविधाहरू रहेका छन्। स्टप एण्ड स्टार्ट प्रणालीले छोटो बिसौनीमा इन्जिनलाई स्वतः स्विच अफ गरी मूल्यवान ऊर्जा बचत गरेर इन्धन दक्षतालाई अझ बढाउँछ ।
यामाहा नेपालका सीईओ राजु क्षेत्रीले रे जेडआर १२५ हाइब्रिड सिरिजको बारेमा उत्साह व्यक्त गर्दै भने, “अल्टिमेट स्कुटर बाइकिङ एरोक्सको सफल सुरुवात पछि नेपालको पहिलो हाइब्रिड स्कुटर रे जेडआर हाइब्रिड लन्च गर्न पाउँदा यामाहा नेपाल गौरवान्दित छ । यसले शक्ति, शैली र सुरक्षाको संयोजन गर्दछ जसले गर्दा हाम्रा मूल्यवान ग्राहकहरूलाई अत्याधुनिक उत्पादनहरू उपलब्ध गराउने हाम्रो प्रतिबद्धतालाई अझ फराकिलो बनाउँछ ।"
कम्पनीकाअनुसार रे जेडआर १२५ हाइब्रिडको बेसिक मोडेल स्ट्यान्डर्ड रियर ड्रमको मूल्य रू २,७९,९०० बाट सुरु हुन्छ । यामाहा नेपालले हाइब्रिड टेक्नोलोजीको सिमलेस एकीकरणको साथ पावर, सुरक्षा र शैलीका बीचमा पूर्ण सन्तुलन खोज्ने सवारहरूलाई किफायती विकल्प प्रदान गर्ने लक्ष्य राखेको छ।
