संस्कृति, पर्यटन तथा नागरिक उड्डयन मन्त्री प्रेमबहादुर आलले पूराना जहाज खरिदको समय घटाउने घोषणा गरेपछि वायुसेवा सञ्चालकहरुले विरोध जनाएका छन् । मन्त्री आलेले संसदमा पुराना जहाज खरीद गर्ने समय घटाउने घोषणा गरेकोप्रति वायुसेवा कम्पनीहरुले विरोध जनाएका हुन् ।
प्रधानमन्त्री शेरबहादुर देउवालाई लाई पत्र लेख्दै वायुसेवा सञ्चालक संघका अध्यक्ष क्याप्टेन रामेश्वर थापाले मन्त्रीले स्वच्छाचारी, अव्यवहारी तथा तर्कहिन अभिव्यक्ति दिएको भन्दै यसलाई कार्यान्वयन नगराउन अनुरोध गरेका छन् ।
असार १ गते संसदमा बोल्दै मन्त्री आलेले प्रेसराइज जहाज १० वर्ष र ननप्रेसराइज जहाज १५ वर्ष पुरानो भएपछि किन्न नपाउने गरी सरकारले नियम बनाउन लागेको बताएका थिए । अहिले प्रेसराइज जहाज १५ वर्ष र ननप्रेसराइज जहाज २० वर्ष पूरानो भएपछि किन्न पाइँदैन ।
क्या. थापाले लेखेको पत्रमा भनिएको छ, ‘विमानको उमेरसँग जहाज दुर्घटना कदापी दाँज्न मिल्दैन, हरेक दुर्घटनाको छानबिन प्रतिवेदन हेर्दा सबै छर्लङ्ग हुन्छ ।’
पत्रः
