सरकारले नेपाल वायुसेवा निगमका अध्यक्ष युवराज अधिकारीलाई निलम्बन गर्ने निर्णय गरेको छ। आज सोमबार बसेको मन्त्रिपरिषद्को बैठकले उनलाई निलम्बन गर्ने निर्णय गरेको हो ।
बैठकले अधिकारीलाई किन बर्खास्त नगर्ने भन्दै स्पष्टीकरण सोध्ने निर्णय पनि गरेको छ।
यो पनि : कमिशन दिलाउन नसकेपछि आफैँले नियुक्ति गरेका हाकिमलाई मन्त्री आलेद्वारा कुटपिट
पछिल्लो समय पर्यटन मन्त्री प्रेम आले र निगमका अध्यक्ष युवराज अधिकारीबीच टसल चलिरहेको थियो । मन्त्री आलेले अध्यक्ष युवराज अधिकारीलाई गालीगलौज तथा हातपात गरेको अडियो समेत सार्वजनिक भएको थियो ।
गत मंसिर ८ गते सरकारले उनलाई निगमको कार्यकारी अध्यक्षमा नियुक्त गर्ने निर्णय गरेको हो।
यो पनि : ‘८० जना कार्यकर्तालाई भर्ती गर्न नमान्दा मन्त्रीले अध्यक्षमाथि हातपात गरे’