वाणिज्य बैंकहरुले आर्थिक वर्ष २०८०/८१ देखि काउन्टर साइक्लिकल बफर लागु गर्नु पर्ने भएको छ । राष्ट्र बैंकले आज एकिकृत निर्देशन २०७९ जारी गर्दै यस्तो व्यवस्था गरेको हो ।
निर्देशन अनुसार वाणिज्य बैंकहरुले आ.व २०८०/८१ देखि Capital Adequacy Framework 2015 मा व्यवस्था भए बमोजिमको Countercyclical Buffer कायम गर्नु पर्नेछ ।
चालु आर्थिक वर्ष ७९/८० को मौद्रिक नीतिमा कोभिड १९ महामारीका कारण आर्थिक वर्ष २०७६÷७७ बाट स्थगन गरिएको Countercyclical Buffer को व्यवस्थालाई २०८० साउनदेखि कार्यान्वयनमा ल्याउन आवश्यक व्यवस्था मिलाइने उल्लेख गरेको थियो ।
काउन्टर साइक्लिकल बफर बैंकहरुलाई जोखिमरहित बनाउन क्षमता अनुसार कर्जा विस्तारलाई एउटा सिमा भित्र राख्ने वित्तीय उपकरण हो । काउन्टर साइक्लिकल बफर लागु भएपछि बैंकहरुले कर्जा लगानी गर्दा नियामकिय ब्यवस्थाको अतिरीक्त तोकीएको प्रतिशत पुँजीकोष थप गर्नुपर्ने हुन्छ ।