माछापुच्छ्रे बैंक लिमिटेडका नवनियुक्त अध्यक्ष रोशन केसीले पद तथा गोपनियताको शपथ लिएका छन् । नेपाल राष्ट्र बैंकका गभर्नर महाप्रसाद अधिकारीले नवनियुक्त अध्यक्ष रोशन केसीलाई शपथ ग्रहण गराएका हुन् ।
माछापुच्छ्रे बैंकको मङ्सिर ७ गते बसेको संचालक समितिको बैठकले रोशन केसीलाई बैंकको अध्यक्ष चयन गरेको थियो । केसी यस अघि पनि बैंकको अध्यक्ष भएका थिए । उनी अप्रिल २०१७ देखि जनवरी २०१९ सम्म बैंकको अध्यक्ष थिए । पोखरा स्थायी ठेगाना रहेका उनी आधा दर्जन जलविद्युत कम्पनीमा पनि संलग्न छन् ।
उक्त शपथ ग्रहण कार्यक्रममा नेपाल राष्ट्र बैंकका डेपुटी गभर्नर, कार्यकारी निर्देशकहरु लगायत अन्य पदाधिकारी र माछापुच्छ्रे बैंक सञ्चालक समिति सदस्य, प्रमुख कार्यकारी अधिकृत लगायतको उपस्थिति थियो ।