स्मार्टफोन निर्माता एप्पलले आज आईफोन १५ सिरिजका ४ वटा नयाँ फोनहरु आज सर्वजनिक गर्ने भएको छ । कम्पनीले आज आईफोन १५, आईफोन १५ प्लस, आईफोन १५ प्रो, र आइफोन १५ प्रो म्याक्स सार्वजनिक गर्न लागेको हो ।
एप्पलले अमेरिका स्थित क्यालिफोर्नियामा रहेको आफ्नो मुख्यालयमा एक समारोह गरेर यी नयाँ उत्पादन सार्वजनिक गर्ने छ। एप्पलका प्रमुख कार्यकारी अधिकृत टिम कुकले स्टिभ जब्स थियटरबाट यी उत्पादन सार्वजनिक गर्ने छ ।
आईफोनको साथ साथै कम्पनीले नयाँ एप्पल वाच र एयरपोड पनि सार्वजनिक गर्ने बताईएको छ ।
यस कार्यक्रमको विश्वभर प्रत्यक्ष प्रसारण हुने छ । नेपाली समय अनुसार प्रत्यक्ष प्रसारण रातको १०:४५ मा सुरु हुने छ भने एप्पल टिभी एप, एप्पलको वेबसाइट र एप्पलको युट्युब च्यानलबाट प्रत्यक्ष प्रसारण हेर्न सकिने कम्पनीले जनाएको छ ।
.gif)
