क्यान्सर एवम् मृगौलाका गम्भीर रोग भएका र गम्भीर मेरूदण्ड पक्षघात भएका बिरामीले मासिक ५ हजार रुपैयाँ भत्ता पाउने भएका छन् ।
बजेट अध्यादेशको प्रतिस्थापन विधेयक प्रस्तुत गर्दै अर्थमन्त्री जनार्दन शर्माले यस्ता रोगका बिरामीलाई मासिक ५ हजार भत्ता उपलब्ध गराउने घोषणा गरेका हुन् ।
२०७४ को चुनावको समयमा तत्कालीन शेरबहादुर देउवा नेतृत्वको सरकारले क्यान्सर एवम् मृगौलाका रोग भएका र स्पाइनल इन्जुरी भएकाहरुलाई जीविकोपार्जनका लागि मासिक ५ हजार रुपैयाँ भत्ता दिने निर्णय गरेको थियो । तर, त्यसपछि बनेको केपी ओली सरकारले उक्त निर्णय खारेज गरेको थियो ।
अहिले आफैं प्रधानमन्त्री भएको समयमा देउवाले यसलाई फेरि अघि बढाउने भएका छन् ।
