राजश्री बचत तथा ऋण सहकारी संस्थाको १२ औँ साधारणसभा सम्पन्न भएको छ । काठमाडौँ महानगरपालिकाका ३२ वटै वडा कार्यक्षेत्र भएको यो सहकारीले प्रतिनिधिसभा सदस्य कमला रोकाको प्रमुख आतिथ्यतामा साधारणसभा सम्पन्न गरेको हो ।
२ करोड ३२ लाख ६७ हजार रुपैयाँ कर्जा लगानी गरेको राजश्री बचत तथा ऋण सहकारीले २ करोड १० लाख ५८ हजार रुपैयाँ निक्षेप संकलन गरेको छ । संस्थाको चुक्ता पूँजि ६० लाख ८६ हजार ५ सय रुपैयाँ रहेको छ ।
कोरोना भाइरसका कारण केही असहजता भएपनि आफूहरु निरन्तर ग्राहकको सेवामा रहेको संस्थाका सचिव शुभाषचन्द्र खत्रीले जानकारी दिए । उनका अनुसार बागबजारमा रहेको कार्यालय केही समयमा नै ग्राहकको सहजताका लागि कोटेश्वरमा स्थानान्तरण हुँदैछ ।
