पहिलो
चरणमा ९ वटा सहकारी संस्थाहरुको अनुगमन निरीक्षण सम्पन्न भएको छ । सहकारी विभाग र
राष्ट्र बैंकका प्रतिनिधि सम्मिलित अनुगमन टोलीले पहिलो चरणमा काठमाडौँ, ललितपुर र काभ्रे जिल्लाका ९ वटा सहकारीको
अनुगमन निरीक्षण सम्पन्न गरेको हो ।
सहकारी
विभागका अनुसार काभ्रेका ३,
काठमाडौँका ५ र ललितपुरको एउटा सहकारीको अनुगमन
सकिएको छ । काभ्रेको बिन्धवासिनी बचत तथा ऋण सहकारी संस्था, बुडोल सामुदायिक बचत तथा ऋण सहकारी संस्था र
सामुदायिक बचत तथा ऋण सहकारी संस्थाको अनुगमन गरिएको विभागले बताएको छ ।
काठमाडौँका
नेपाल बचत तथा ऋण केन्द्रीय सहकारी संघ (नेफ्स्कून), नवकान्तिपुर बचत तथा ऋण सहकारी संस्था, चन्द्रागिरी बचत तथा ऋण सहकारी संस्था, देबदर्शन बचत तथा ऋण सहकारी संस्था र शुभरत्न बचत तथा ऋण सहकारी
संस्थाको अनुगमन गरेको हो ।
ललितपुरको
राष्ट्रिय सहकारी बैंकको अनुगमन गरिएको छ ।
अनुगमनको
क्रममा अधिकांश सहकारीले जथाभावी कर्जा प्रवाह गरेको पाइएको छ । सहकारीको वित्तीय
अवस्था हेर्दा अधिकांशले सिमाभन्दा बढी रकम घरजग्गा क्षेत्रमा लगानी गरेको पाइएको
अनुगमनमा संलग्न अधिकारीहरु बताउँछन् ।
धितो
मूल्यांकनभन्दा बढी कर्जा लगानी गरेको, भाखा
नाघेको कर्जाको प्रोभिजन नगरेको, गैर
बैंकिङ सम्पत्ति बढिरहेको र अधिकांश कर्जा खराब पाइएको अनुगमन समितिले फेला पारेका
छ ।
अनुगमनको
नेतृत्व सहकारी विभागका उप–रजिष्ट्रार टोलराज उपाध्यायले गरेका थिए ।
अनुगमनमा राष्ट्र बैंकबाट उपनिर्देशक डा. रमेश चौलागाईं, रामकृष्ण राई र रमेश पौडेल सहभागी थिए ।
