.gif)
इंग्ल्याण्डमा जारी आइसिसी एकदिवसीय विश्वकप क्रिकेट अन्तर्गत असार ९ गते हुने खेलको प्रत्यक्ष प्रसारण हेर्न नपाइने भएको छ । ९ गते बंगलादेश र अफगानिस्तानबीचको खेल हुँदैछ ।
विज्ञापन ऐन, २०७६ को विरोध गर्दै टेलिभिजन सेवा प्रदायकहरुले ९ गते दिउँसो १२ बजेदेखि १० गते १२ बजेसम्म विदेशी च्यानलहरु बन्द गर्ने भएकाले नेपालबाट खेल हेर्न नपाईने भएको हो ।
नेपाल केवल टेलिभिजन महासंघका अध्यक्ष सुधिर पराजुलीले विदेशी विज्ञापनबिनाका च्यानल बन्द गर्ने निर्णयको विरोधमा विज्ञापन प्रशारण हुने विदेशी च्यानल बन्द गर्न लागिएको बताए ।
प्रस्तावित विज्ञापन ऐन, २०७६ ले विदेशी च्यानलको प्रशारणमा विज्ञापन हुन नहुने व्यवस्था गर्न लागेको छ । नेपालमा प्रशारण हुनेमध्ये ८५ प्रतिशत च्यानलहरु विदेशी छन् ।
.gif)
