.gif)
महालक्ष्मी विकास बैंक Mahalaxmi Bikas Bank Limited ले गत आर्थिक बर्षको लाभांश घोषणा गरेको छ। बैंकको असोज १६ गते बसेको संचालक समितिको बैठकले गत आर्थिक बर्षको कमाई र संचिति रकमबाट १७.८९ प्रतिशत लाभांश दिने प्रस्ताब गरेको नेप्से मार्फत जनाइएको छ।
प्रस्तावित लाभांशमा ८ प्रतिशत बोनस सेयर र ९.८९ प्रतिशत नगद लाभांश (कर प्रयोजनार्थ सहित) रहेको छ। उक्त प्रस्ताव नेपाल राष्ट्र बैंक र बैंकको आगामी १८ औं बार्षिक साधारणसभाले पारित गरेपश्चात सेयरधनीमा लाभांश वितरण हुनेछ।
हाल बैंकको चुक्तापुंजी २ अर्ब ८४ करोड ४५ लाख छ। बैंकले २२ करोड ७५ लाख ६० हजार ९८ रुपैयाँ बराबरको बोनस सेयर प्रस्ताब गरेको छ। लाभांश वितरण पश्चात बैंकको चुक्तापुंजी ३ अर्ब ७ करोड पुग्नेछ। 
