अर्थमन्त्री जनार्दन शर्माले सरकारी संस्थानमा भएको रकम लघुवित्त कोषमा राखेर घर घरमै सहुलियतपूर्ण कर्जा पुर्याउने महत्वकांक्षी योजना सुनाएका छन् । निक्षेप तथा कर्जा सुरक्षण कोषको वार्षिक साधारणसभामा अर्थमन्त्री शर्माले यस्तो दाबी सुनाएका हुन् ।
घरमै सहुलियतपूर्ण कर्जा पुग्ने गरी लघुवित्त कोष बनाउने काम अघि बढाइएको पनि उनको भनाइ छ ।
‘सरकारी संस्थानको सीमित रकम कोषमा जम्मा हुनेछ, त्यहीँ रकम सहुलियत ऋणको रुपमा घर घरमा जानेछ’ अर्थमन्त्री शर्माले भने ।
उनले सहुलियत ऋणको सदुपयोग भएको छैन भन्ने संकेत गर्दै बैंकबाट कृषि ऋण लिएर घरजग्गा किन्ने परिपाटी अन्त्य हुनुपर्ने पनि बताए ।