.gif)
राष्ट्रिय गौरवको माथिल्लो तामाकोशी जलविद्युत आयोजनाको सुरुङमा पानी खसाल्न सुरु गरिएको छ । संचार तथा सूचना प्रविधि मन्त्री पार्वत गुरुङले स्वीच थिचेर सुरुङमा पानी हाल्ने कामको उद्घाटन गरेका हुन् ।
४५६ मेघावाट क्षमताको यो आयोजनाको सुरुङ भरिन ७ देखि १० दिन लाग्ने छ । सुरुङ भरिएपछि वैशाखभित्रै एक युनिटबाट बिजुली उत्पादन गर्ने लक्ष्य लिइएको छ । एक युनिटबाट ७६ मेगावाट बिजुली उत्पादन हुनेछ ।
केही दिन भित्रै प्रधानमन्त्री केपी शर्मा ओलीले सो आयोजनाबाट उत्पादन हुने विद्युतको औपचारिक रुपमा उद्घाटन गर्ने मन्त्री गुरुङले जानकारी दिएका छन् ।
पहिलो युनिटबाट बिजुली निकालेको १५–२० दिनमै अर्को युनिटबाट बिजुली उत्पादन सुरू हुने आयोजनाले जनाएको छ । अगामी तीन महिनाभित्र आयोजनालाई पूर्ण क्षमता चलाउने लक्ष्य छ ।
.gif)
