भारतमा एकैदिन ६ हजार भन्दा बढीमा कोरोना संक्रमण पुष्टि भएको छ । भारतीय सञ्चारमाध्यमहरूका अनुसार कोरोना संक्रमित ११ जनाको एकैदिन मृत्यु पनि भएको छ ।
हाल भारतमा ३१ हजार १९४ जना सक्रिय कोरोना संक्रमित छन् ।
भारतको जीनोम सिक्वेन्सिङ अनुगमन निकायले सक्रिय संक्रमितहरु ओमिक्रोन भेरियन्टका संक्रमित छन् । यसको नाम एक्स्बीबी १।१६ ओमिक्रोन भेरियन्ट हो । यो भेरियन्ट एक्सबीबी १ भेरियन्ट भन्दा १.२७ गुणा र एक्सबीबी १.५ भेरियन्ट भन्दा १.१७ गुणा छिटो फैलन सक्ने जनाइएको छ । यो भेरियन्ट चाँडै विश्वभर फैलन सक्ने आशंका गरिएको छ ।
विश्व स्वास्थ्य संगठनले यस सम्बन्धमा निगरानी बढाएको छ ।