साधना लघुवित्तले आफ्नो वेबसाइट ठेगाना परिवर्तन गरेको छ । कम्पनीले प्राविधिक समस्या आएकोले वेबसाइट ठेगाना परिवर्तन गरेको जनाएको छ ।
यस अघि कम्पनीको वेबसाइट sadhanamfb.com रहेकोमा अब नयाँ वेबसाइटको ठेगाना sadhanalaghubitta.com.
गोरखामा केन्द्रीय कार्यालय रहेको यस कम्पनीले आईपिओ निष्काशन गर्ने तयारी गरेको छ । कम्पनीको आइपिओलाई इक्रा नेपाल लिमिटेडले ग्रेड ४ रेटिङ दिएको छ । यस रेटिङले कम्पनीको आधारभुत पक्ष औसतभन्दा तल रहेको बुझाउँछ । कम्पनीले ७ लाख ७ हजार ८ सय कित्ता आईपीओ निष्कासन गर्न नेपाल धितोपत्र बोर्डमा निवेदन दिएको छ । कम्पनीको विक्री प्रबन्धक ग्लोबल आइएमई क्यापिटल रहेको छ ।
कम्पनीको पुस १२ मा सम्पन्न तेस्रो वार्षिक साधारण सभाले आइपिओ निष्कासन गर्ने प्रस्ताव पारित गरेको थियो । साथै, कम्पनीले आइपिओ निष्कासनपछि ५० प्रतिशत हकप्रद सेयर विक्री गर्ने प्रस्ताव समेत सोही साधारण सभाबाट पारित गरेको छ ।
आईपीओ बिक्री पश्चात कायम चुक्ता पूँजी २१ करोड ७७ लाख ८० हजारको आधारमा ५० प्रतिशत हकप्रद निष्कासन गर्ने कम्पनीको योजना छ ।
