राष्ट्रिय स्तरका विकास बैंकले पनि वाणिज्य बैंकले जस्तै पुँजीकोष कायम गर्नुपर्ने

नेपाल राष्ट्र बैंकले मौद्रिक नीति २०८०/८१ मा गरिएका व्यवस्था कार्यान्वयनको लागि सर्कुलर जारी गरेको छ । राष्ट्र बैंकले आज शुक्रबार सर्कुलर जारी गरेको हो ।

जस अनुसार अब राष्ट्रिय स्तरका विकास बैंकहरुले पनि Capital Adequacy Framework, 2015 अनुसार न्यूनतम प्राथमिक पुँजी तथा पुँजीकोष कायम गर्नु पर्ने छ। पुँजीकोष भन्नाले प्राथमिक पुँजी र पुरक पुँजीको योग हो। 

वाणिज्य बैंकहरुले भने आ.व २०८०÷८१ देखि Capital Adequacy Framework 2015 मा व्यवस्था भएबमोजिमको Countercyclical Buffer कायम गर्नु पर्नेछ । 

मौद्रिक नीतिमा राष्ट्रिय स्तरका विकास बैंकहरुले समेत पूर्ण रुपमा Capital Adequacy Framework, 2015 अनुसार पुँजीकोष कायम गर्नु पर्ने व्यवस्था लागु गरिने उल्लेख थियो।