ई सेवा चलाउन ‘रिफर’ गर्दा ८० रुपैयाँ पाइने

बिजपाटी सम्बाददाता

बिजपाटी सम्बाददाता

Apr 01, 2020 | 07:35:57 PM मा प्रकाशित

भुक्तानी सेवाप्रदायक ई सेवाले आफ्ना ग्राहकका लागि ‘रिफर एण्ड अर्न’ अफर सार्वजनिक गरेको छ । कोभिड–१९को प्रकोपका कारण सबै जना घरमा बसिरहेको अवस्थामा यो अफरबाट ई सेवा खातामा रिफरल बोनस प्राप्त गर्न सकिने जनाएको छ ।

नगदरहित समाजनिर्माणका लागि आपूm पनि डिजिटल सेवा प्रयोग गरौँ र अरुलाई पनि प्रोत्साहन गरौँ भन्ने अभियानअन्तर्गत ई सेवाले हरेक व्यक्तिलाई डिजिटल अभियानकर्मी बनाउन यो अफर सार्वजनिक गरेको हो । अफरअन्तर्गत ई सेवा चलाउन सिकाएबापत प्रतिग्राहक रु ८० सम्म प्राप्त गर्न सकिनेछ । आफ्ना परिवार, साथीभाई तथा आफ्नो मोबाइलमा रहेका सम्पर्क नम्बरलाई ई सेवा चलाउन सिकाउन सकिनेछ ।

ई सेवाबाट मोबाईल, टेलिफोन, इन्टरनेट, बिजुली तथा खानेपानीको महशुल भुक्तानी, रिचार्ज, हवाइजहाज, बसको टिकट, स्कुलकलेजलगायतको शुल्कभुक्तानी गर्न सकिन्छ । ई सेवामा हाल ५० वटा बैंक तथा वित्तीय संस्था सदस्य रहेका छन् । यी बैङ्कबाट ई सेवामा सहजै रकमजम्मा गर्न तथा ई सेवाबाट बैङ्क खातामा रकम पठाउन सकिने कम्पनीले जनाएको छ ।

Share Your Thoughts

Recent News

Main News

TRENDING

Close in 7


Bizpati.com © 2020. All Rights Reserved