सेन्चुरी कमर्शियल बैंकले लाभांश घोषणा गरेको छ । बैंकको चैत्र ५ गते बसेको संचालक समितिको बैठकले आर्थिक बर्ष ७४/७५ को मुनाफाबाट वितरण गरिने लाभांश घोषणा गरेको हो ।
जस अनुसार कम्पनीले हाल कायम चुक्ता पुंजीको २ प्रतिशत बोनस शेयर र ४।५ प्रतिशत नगद लाभांश वितरण गर्ने प्रस्ताव गरेको हो । बैंकले १६ करोड ५० लाख ९ हजार २ सय ४७ रुपियाँको बोनस र ३७ करोड १२ लाख ७० हजार ८ सय ५ रुपियाँ बराबरको नगद लाभांश वितरण गर्ने प्रस्ताव गरेको हो ।
बैंकको उक्त प्रस्ताव नेपाल राष्ट्र बैंकले अनुमति दिएपछि र बैंकको आगामी साधारणसभाले पारित गरेपछि लगानीकर्तामा वितरण हुनेछ । हाल कम्पनीको चुक्ता पुंजी ८ अर्ब २५ करोड रहेको छ ।
