नेपाल स्टक एक्सचेन्ज नेप्सेमा सानिमा बैंक Sanima Bank Limited को शेयर मूल्य समायोजन भएको छ । बैंकले साधारणसभा प्रयोजनको लागि आज बुक क्लोज गरेकोले मूल्य समायोजन भएको हो ।
समायोजनपछि बैंकको शेयर मूल्य ३२० कायम भएको छ । यस अघि बैंकको शेयर मूल्य ३५२ थियो । बैंकको १० प्रतिशत बोनसमा मूल्य समायोजन भएको हो ।
बैंकले साधारणसभा प्रयोजनको लागि कात्तिक १७ गते बुक क्लोज गर्ने निर्णय गरेकोले आज कात्तिक १६ गतेसम्म कायम सेयरधनीहरुले मात्र बैंकले गत आर्थिक बर्षको मुनाफाबाट दिने लाभांश प्राप्त गर्न तथा बार्षिक साधारणसभामा सहभागी हुन पाउनेछन । बैंकले यहि कात्तिक २८ गतेको लागि आफ्नो १६ औं बार्षिक साधारणसभा आह्वान गरेको छ । बार्षिक साधारण सभा अम्रापाली ब्यान्केट बालुवाटारमा डाकिएको भएपनि कोभिड १९ को बढ्दो जोखिमलाई मध्यनजर गरेर लगानीकर्तालाई भर्चुअल उपस्तिथीको व्यवस्था गरिएको बैंकले जनाएको छ ।
बैंकले गत आर्थिक बर्षको मुनाफाबाट १० प्रतिशत बोनस र कर प्रयोजन सहित ३.६० प्रतिशत नगद लाभांश वितरण गर्ने प्रस्ताव गरेको छ। साधारणसभामा पारित्गरेपाची उक्त लाभांश लगानीकर्तामा वितरण हुनेछ ।
त्यस्तै साधारणसभाका अन्य एजेन्डामा बैंकको अधिकृत पुंजी ९ अर्बबाट वृद्धि गरेर १२ अर्ब पुर्याउने, हालको जारी तथा चुक्तापुंजी ८ अर्ब ८० करोडलाई वृद्धि गरि ९ अर्ब ६० करोड पुर्याउने, २०७६७७ को बास्लात स्वीकृत गर्ने, कुनै बैंक वित्तीय संस्थालाई मर्जर वा प्राप्ति गर्नलाई संचालक समितिलाई अख्तियारी प्रदान गर्ने लगायत छन् ।