सिंगटी हाइड्रो इनर्जी लिमिटेडले आयोजना प्रभावित स्थानीय वासिन्दालाई निष्काशन गरेको आईपिओ बाँडफाँड भएको छ । बिक्रि प्रबन्धक मेगा क्यापिटलले सोमबार दिउँसो शेयर बाँडफाँड गरेको हो ।
बाँडफाँड मोडल अनुसार १० कित्ता देखि ४९० कित्तासम्मको लागि आवेदन दिने माग गरे बमोजिम कै शेयर पाएका छन् । ५ सय कित्तादेखि माथिको लागि आवेदन गर्ने ५२३ जना लगानीकर्ता मध्ये गोल्परथाबाट २९९ जनाले थप १० कित्ता शेयर पाएका छन् । यस हिसाबमा कम्पनीको शेयर अधिकतम ५०० कित्तासम्म पाएका छन्।
कम्पनीले माघ ४ गतेदेखि फागुन ३ गतेसम्म आयोजना प्रभावित स्थानीय वासिन्दालाई १४ लाख ५० हजार कित्ता आईपिओ निष्काशन गरेको थियो । यस आईपिओमा दोलखाको बिगु र कालिन्चोक गाउँपालिकाका स्थानीय वासिन्दाले मात्र आवेदन दिन पाउने ब्यबस्था थियो। आवेदन दिँदा न्युनतम १० कित्ता र अधिकतम २ लाख कित्ताको लागि दिन सकिने ब्यबस्था थियो ।
आईपिओमा कुल १९ हजार २ सय ८२ जनाले आवेदन दिएको र ति मध्ये ४६ जनाको आवेदन रद्द भएको क्यापिटलले जनाएको छ । योग्य रहेका १९ हजार २ सय ३६ जना आवेदकलाई शेयर बाँडफाँड गरिएको हो ।