नेपाल स्टक एक्सचेन्ज नेप्सेमा आज शुक्रबार २ वटा कम्पनीको शेयर मूल्य समायोजन भएको छ । आज सिद्धार्थ इन्स्योरेन्स र लुम्बिनी जनरल इन्स्योरेन्सको शेयर मूल्य समायोजन भएको हो ।
सिद्धार्थ इन्स्योरेन्सको १२ प्रतिशत बोनसमा मूल्य समायोजन भएको हो । समायोजनपछि कम्पनीको शेयर मूल्य १२ सय ५ रुपैयाँ कायम भएको छ । समायोजनअघि कम्पनीको शेयर मूल्य १३ सय ५० थियो ।
त्यस्तै लुम्बिनी जनरल इन्स्योरेन्सको ५ प्रतिशत बोनसमा मूल्य समायोजन भएको हो । समायोजनपछि कम्पनीको शेयर मूल्य ७९१ रुपैयाँ कायम भएको छ । समायोजन अघि कम्पनीको शेयर मूल्य ८३१ रहेको थियो ।
यी कम्पनीले साधारणसभा प्रयोजनको लागि आज जेठ १४ गते बुक क्लोज गर्ने निर्णयले आज मूल्य समायोजन भएको हो । जेठ १३ गतेसम्म कायम शेयरधनीले मात्र सभामा भाग लिन र प्रस्तावित लाभांश पाउन सक्ने छन् ।
त्यस्तै सभामा वार्षिक प्रतिवेदन पारित गर्ने, लेखापरिक्षक प्रतिवेदन र अन्य वित्तीय विवरण पारित गर्ने, लेखापरिक्षकको नियुक्त गरि निजको पारिश्रमिक तोक्ने, प्रबन्धकपत्र र नियमावलीमा आवश्यक संशोधन गर्ने, नियामक निकायबाट थप निर्देशन प्राप्त भएमा सोहि अनुसार संशोधन गर्ने अख्तियारी संचालक समितिलाई दिने लगायतका प्रस्ताव पेश हुने छन् ।
लुम्बिनी जनरल इन्स्योरेन्स Lumbini General Insurance ले जेठ २८ गते शुक्रबार भर्चुअल माध्यमबाट सम्पन्न गर्ने गरि साधारणसभा आह्वान गरेको हो ।सभामा लाभांश सहितका विभिन्न प्रस्ताव पेश हुने छन् । कम्पनीले आर्थिक वर्ष २०७६÷७७ को मुनाफाबाट शेयरधनीहरुलाई ५ प्रतिशतले हुन आउने ५ करोड ७० लाख ९० हजार रुपैयाँ बराबरको बोनस शेयर र करसहित ५ प्रतिशतले हुन आउने ५ करोड ७० लाख ९० हजार रुपैयाँ बराबरको नगद लाभांश गरि कुल १० प्रतिशत लाभांश वितरण गर्ने प्रस्ताव गरेको छ । साधारण सभाले पारित गरेपछि लगानीकर्तामा उक्त लाभांश वितरण हुने छ ।
त्यस्तै सभामा वार्षिक प्रतिवेदन पारित गर्ने, लेखापरिक्षक प्रतिवेदन र अन्य वित्तीय विवरण पारित गर्ने, लेखापरिक्षकको नियुक्त गरि निजको पारिश्रमिक तोक्ने, प्रबन्धकपत्र र नियमावलीमा आवश्यक संशोधन गर्ने, नियामक निकायबाट थप निर्देशन प्राप्त भएमा सोहि अनुसार संशोधन गर्ने अख्तियारी संचालक समितिलाई दिने र संचालकको बैठक भत्ता पुनरावलोकन गर्ने प्रस्ताव पेश हुने छन् ।
