साताको पहिलो कारोबार दिन आज आईबार नेप्से सूचक दोहोरो अंकले बढेको छ । आज नेप्से सूचक ३८.३२ अंकले बढेर २९८३.११ को बिन्दुमा पुगेको हो ।
आज १९ अर्ब ५५ करोड १ लाख ६६ हजार ६ सय ३६ रूपैयाँ बराबरको कारोबार भएको छ । आज कारोबारमा आएका २२० कम्पनीको ३ करोड ७० लाख ७६ हजार ४ सय ३९ कित्ता शेयर खरिद बिक्रिबाट यो रकम बराबरको कारोबार भएको हो । यो हाल सम्मकै उच्च कारोबार रकम हो ।
आज श्री इन्भेष्टमेन्ट फाइनान्स, आइसीएफसी फाइनान्स, कर्णाली डेभलप्मेन्ट बैंक लगायत ४४ कम्पनीको सेयर मूल्यमा सकारात्मक सर्किट लागेको छ ।
त्यस्तै, आज विकास बैंक फाइनान्स लगायत ७ समूहको समूहगत सुचक बढेको छ भने ट्रेडिङ, जीवन बीमा लगायत ६ समूहको समूहगत सुचक घटेको छ । जसमा विकास बैंक समूहको सूचक सर्वाधिक बढी ८.२४ प्रतिशत र फाइनान्स समूहको ७.१४ प्रतिशतले बढेको छ भने ट्रेडिङ समूहको सुचक सर्वाधिक बढी १.०६ प्रतिशतले घटेको छ ।
आज अरुण भ्याली हाईड्रोको सर्वाधिक बढि ७२ करोड २९ लाख रुपैयाँ बराबरको सेयर कारोबार भएको छ भने लुम्बिनी विकास बैंकको ५८ करोड ३९ लाख रुपैयाँ बराबरको सेयर कारोबार भएको छ ।