.gif)
साताको दोस्रो कारोबार दिन आज सोमबार नेप्से सूचक दोहोरो अंकले बढेर हाल सम्मकै उच्च बिन्दुमा पुगेकाे छ । आज नेप्से सूचक ४२.७२ अंकले बढेर ३०२५.८३ को बिन्दुमा पुगेको हो । यो हाल सम्मकै उच्च बिन्दु हो ।
आज १८ अर्ब ८८ करोड ४० लाख ३१ हजार ५ सय १९ रूपैयाँ बराबरको कारोबार भएको छ । आज कारोबारमा आएका २२१ कम्पनीको ३ करोड ५० लाख २७ हजार ३ सय ६३ कित्ता शेयर खरिद बिक्रिबाट यो रकम बराबरको कारोबार भएको हो ।
आज नेपाल इन्स्योरेन्स कम्पनी, खानीखोला हाईड्रोपावर कम्पनी, घलेम्दी हाईड्रो लगायत १२ कम्पनीको सेयर मूल्यमा सकारात्मक सर्किट लागेको छ ।
त्यस्तै, आज होटेल र पर्यटन, इन्भेष्टमेन्ट लगायत ७ समूहको समूहगत सुचक बढेको छ भने विकास बैंक, अन्य लगायत ६ समूहको समूहगत सुचक घटेको छ । जसमा होटेल र पर्यटन समूहको सूचक सर्वाधिक बढी ४.२५ प्रतिशत बढेको छ भने विकास बैंक समूहको सुचक सर्वाधिक बढी १.११ प्रतिशतले घटेको छ ।
आज अरुण भ्याली हाईड्रोको सर्वाधिक बढि ६२ करोड ५९ लाख रुपैयाँ बराबरको सेयर कारोबार भएको छ भने अपि पावर कम्पनीको ५४ करोड ८६ लाख रुपैयाँ बराबरको सेयर कारोबार भएको छ ।
.gif)
