स्वावलम्बन लघुवित्त वित्तीय संस्थाले १ लाख ९० हजार ६५० कित्ता संस्थापक शेयर लिलाममा ल्याउने भएको छ । कम्पनीले जेठ २४ गतेदेखि असार २७ गतेसम्म यी संस्थापक शेयर लिलाम गर्न लागेको हो । शेयर लिलाम प्रकृयाको लागि एनआइबिएल एस बिक्रि प्रबन्धक रहेको छ ।
संस्थाले जारी गरेको सूचना अनुसार उक्त संस्थापक शेयरको प्रति कित्ता न्यूनतम मूल्य रु. ७ सय ५१ रुपैयाँ तोकिएको छ । संस्थापक शेयर बोलकबोलको माध्यमबाट न्यूनतम १ हजार कित्ता र अधिकतम शेयर संख्याको लागि कुनै हद नलाग्ने जनाइएको छ ।
कम्पनीको विद्यमान संस्थापक शेयर धनी वा जो कोही व्यक्ति, कम्पनी, संघ, संस्थाहरुले यस लिलामीको शेयरमा आवेदन दिन सक्ने छन् । तर कम्पनीको प्राथमिकता भने हाल कायम संस्थापकलाई दिइने कम्पनीले जनाएको छ ।
प्रति कित्ता आपूmले लिन चाहेको दर रेटका साथ सम्पूर्ण विवरण खुलाई गोप्य शिलबन्दी बोलपत्र मार्फत आवेदन पेश गर्नु पर्ने कम्पनीले जनाएको छ ।