युनियन लाइफ इन्स्योरेन्स Union Life Insurance Company को आईपीओमा आजसम्म २ करोड ९१ लाख ५३ हजार ६५० कित्ताका लागि आवेदन परेको छ । आज आइतबार साँझ ५ बजेसम्म १८ लाख १४ हजार २६५ अवेदकले आवेदन दिएका छन् ।
कम्पनीको आइपिओ निष्काशन तथा बिक्री प्रबन्धक प्रभु क्यापिटलका अनुसार २ अर्ब ९१ करोड ५३ लाख ६५ हजार बराबरका २ करोड ९१ लाख ५३ हजार ६५० कित्ताका लागि आवेदन परेको हो ।
आइपीओमा न्यूनतम १० देखि अधिकतम ३२ हजार २५० कित्तासम्म आवेदन दिन सकिनेछ । आईपीओमा असार २८ गते सोमबार (भोली) साँझ ५ बजेसम्म आवेदन दिन सकिनेछ ।
