राधी विद्युत कम्पनी Radhi Bidyut Company को लाभांश पारित भएको छ । कम्पनीको आज मंगलबार सम्पन्न साधारणसभाले लाभांश सहितका सभामा पेश भएका सम्पूर्ण प्रस्ताव पारित गरेको हो ।
कम्पनीको साधारणसभाले ३६.५० प्रतिशत बोनस शेयर वितरण गर्ने प्रस्ताव पारित गरेको हो। साधारणसभाले पारित गरेसंगै उक्त लाभांश लगानीकर्तामा वितरण हुने छ। बोनसमा लाग्ने कर भने लगानीकर्ताले नै तिर्नु पर्ने कम्पनीले जनाएको छ ।
त्यस्तै कम्पनीले बोनस वितरणपछि १४७.५२ प्रतिशत हकप्रद निष्काशन गर्ने प्रस्ताव पारित गरेको छ। साधारणसभाले पारित गरेसंगै नेपाल धितोपत्र बोर्ड स्वीकृति दिएपछि कम्पनीले हकप्रद निष्काशन गर्ने छ । कम्पनीले आवश्यक नियमाकीय प्रक्रिया पुरा गरेर यथाशीघ्र हकप्रद निष्काशन गर्ने जनाएको छ । कम्पनीले हालको आयोजनाको ऋण तिर्न र ४५ मेगावाटको नयाँ आयोजनामा लगानी गर्न हकप्रद निष्काशन गर्न लागिएको जानकारी कम्पनीले साधारणसभामा दिएको छ ।
हाल कम्पनीको चुक्ता पुंजी ४७ करोड ३५ लाख ५६ हजार ५ सय रहेको छ । कम्पनीले बोनस वितरण पश्चात चुक्ता पुंजी ६४ करोड ६४ लाख ४ हजार ६ सय २२ पुग्ने छ ।
साधारणसभाले आर्थिक वर्ष ७६/७७ को प्रतिवेदन छलफल गरि पारित गर्ने, वासलात र अन्य वित्तीय विवरण छलफल गरि पारित गर्ने, आर्थिक वर्ष ७७/७८ को लागि लेखापरिक्षक नियुक्त गरि निजको पारिश्रमिक तोक्ने प्रस्ताव पनि पारित गरेको छ । त्यस्तै प्रबन्धपत्र र नियमावली संशोधन गर्ने, नियामक निकायबाट संशोधनको लागि थप निर्देशन आएमा सोहि अनुसार गर्ने अख्तियारी संचालक समितिलाई दिने विशेष प्रस्ताव पारित भएको छ ।