शेयर बजार परिसूचक नेप्से ६ प्रतिशतले बढेपछि आजको लागि कारोबार बन्द भएको छ । १ बजेर २६ मिनेटमा नेप्से सूचक ६.०१ प्रतिशत अर्थात् १३७.१८ अंकले बढेपछि आजको लागि कारोबार स्थगित भएको हो ।
यस अघि नेप्से सूचक १२ बजेर ३८ मिनेटमा नेप्से सूचक ५.०१ प्रतिशत अर्थात् ११४.२५ अंकले बढेपछि कारोबार ४० मिनेटको लागि स्थगित भएको थियो । १:१८ बजे कारोबार खुलेकोमा ८ मिनेट मै नेप्से सूचक थप १ प्रतिशतले बढेपछि आजको लागि कारोबार नै स्थगित भएको हो ।
हालको सर्किट ब्रेकको नियम अनुसार पहिलो घण्टामा नेप्से सूचक ४ प्रतिशतले घटे वा बढेमा २० मिनेट कारोबार स्थगित हुनेछ । त्यस्तै दोस्रो घण्टामा सूचक ५ प्रतिशतले घटे वा बढे ४० मिनेट कारोबार स्थगित हुनेछ । र तेस्रो घण्टा वा त्यसपछिको समयमा सूचक ६ प्रतिशतले घटे वा बढे बाँकि पुरै दिनको कारोबार स्थगित हुनेछ ।
आज नेप्से सूचक १३७.१८ अंकले बढेको छ । आज कारोबारमा आएका २२० कम्पनीका ४० लाख ८५ हजार ९ सय ५६ कित्ता शेयर खरीद बिक्रि बाट १ अर्ब ८४ करोड २६ लाख ४७ हजार मात्र रहेको छ ।
आज कारोबारमा आएका समुहगत सूचक बढेका छन् । आज विकास बैंक समुह सबै भन्दा धेरै ९.२ प्रतिशतले बढेको छ भने फाइनान्स समुह ८.६२ तथा , ट्रेडिङ समुह ८.०१ प्रतिशतले बढेको छ । आज नबिल बैंकको सबै भन्दा बढी ९ करोड ८ लाख अब्रब्र्को कारोबार भएको छ ।
