मन्जुश्री फाइनान्सले लाभांश नदिने भएको छ । फाईनान्सको पुस १ गते बसेको सञ्चालक समितिको बैठकले गत आ.व. को संचित मुनाफा र आ.व. २०७८ /७९ को वित्तीय विवरण प्रतिवेदनको आधारमा यस संस्थाका शेयरधनीहरुलाई नगद लाभांश / बोनस शेयर वितरण नगर्ने प्रस्ताव गरेको हो ।
साथै बैठकले आ.व. २०७८/७९ को वासलात, नाफा नोक्सान हिसाब, नगद प्रवाह विवरण लगायतका वित्तीय विवरण / अनुसूचीहरु नेपाल राष्ट्र बैंकबाट स्वीकृत भए पश्चात यस संस्थाको आगामी साधारण सभाबाट पारित गर्नको लागि पेश गर्ने प्रस्ताव गरि राष्ट्र बैंकमा स्वीकृतिको लागि पठाउने निर्णय गरेको छ।