आइतबार नियमित कारोबार सुरु भएको ५ मिनेट मै शेयर बजारमा सर्किट लागेको छ। कारोबार सुरु भएको ५ मिनेट मै नेप्से सूचक ४ प्रतिशतले बढेपछि २० मिनेटको कारोबार रोक्का भएको हो ।
यो समाचार तयार पार्दासम्म नेप्से सूचक ७४.२० अंकले बढेर १९२६.९८ को बिन्दुमा पुगेको छ । अहिलेसम्म १६ करोड ५२ लाखको कारोबार भएको छ ।
के छ सर्किट ब्रेकको नियम ?
पहिलो घण्टामा नेप्से सूचक ४ प्रतिशतले घटे वा बढेमा २० मिनेट कारोबार स्थगित हुनेछ । त्यस्तै दोस्रो घण्टामा सूचक ५ प्रतिशतले घटे वा बढे ४० मिनेट कारोबार स्थगित हुनेछ । र तेस्रो घण्टा वा त्यसपछिको समयमा सूचक ६ प्रतिशतले घटे वा बढे बाँकि पुरै दिनको कारोबार स्थगित हुनेछ ।
