साताको पहिलो दिन आइतबार सुनचाँदीको मूल्य बढेको छ। शुक्रबारको कारोबारमा प्रति तोला ५८ हजार २ सय रुपैयाँमा कारोबार भएको छापावाल सुन आज तोलामा ४ सयले बढेर प्रति तोला ५८ हजार ६ सय रुपैयाँमा कारोबार भईरहेको छ। त्यस्तै तेजावी सुन प्रति तोला ५८ हजार ३ सय ५० रुपैयाँमा कारोबार भैरहेको छ। चांदी प्रति तोला ८ सय ७५ रुपैयाँमा कारोबार भइरहेको छ। यो अघिल्लो दिनको तुलनामा १५ रुपियाँले बढी हो ।
नेपाल सुनचांदी ब्यबसायी महासंघले आज आइतबारको कारोबारमा प्रति १० ग्राम छापावाल सुनको मूल्य ५० हजार २ सय ४० रुपैयाँ तोकेको छ भने प्रति १० ग्राम तेजावी सुनको मूल्य ५० हजार २५ रुपैयाँमा कारोबार भइरहेको छ। त्यस्तै १० ग्राम चांदीको मूल्य ७ सय ५० रुपैयाँ रहेको छ।