.gif)
जोरपाटीको महानगरीय प्रहरी बिट नयाँबस्तीमा प्रदर्शनकारी र प्रहरीबिच झडप भएको छ । झडपमा १० जना प्रहरी घाइते भएका छन् भने केहि प्रदर्शनकारीलाई प्रहरीले नियन्त्रणमा लिएको छ ।
प्रहरीको कुटपिटको कारण ट्याक्सी चालक राजु लामाको मृत्यु भएको भन्दै आक्रोशित स्थानीयले प्रहरीबिटमा आक्रमण गरेका हुन् । स्थानीयले उनको हत्या भएको भन्दै दोषी पक्राउ गर्न माग गरेर प्रदर्शन गरेका हुन्। उनीहरुले ३ वटा मोटरसाईकलमा आगजनी गरेका छन् भने भवनमा समेत तोडफोड गरेका छन् ।
प्रहरीले स्थिति नियन्त्रणमा लिन आठ राउण्ड हवाई फायर समेत गरेका थिए ।
प्रहरीका अनुसार लामा दोलखा घर भएका, बाैद्ध नयाँबस्ती बस्दै आएका थिए । उनलाई शनिबार अचेत अवस्थामा ट्याक्सीमा भेटेको र उनको अस्पतालमा उपचारको क्रममा मृत्यु भएको हो। घटनाबारे छानविन भैरहेको प्रहरीले जनाएको छ।
.gif)
