प्रधानमन्त्री पुष्पकमल दाहाल प्रचण्डले काठमाडौं विश्वविद्यालय (केयु) को उपकुलपतिमा रामकण्ठ माकाजूलाई नियुक्त गरेका छन्। विश्वविद्यालयका कुलपतिसमेत रहेका प्रचण्डले उपकुलपतिमा पुन: माकाजूलाई नियुक्त गरेका हुन्।
चार वर्षको कार्यावधि समाप्त भएपछि गएको मंसिर २६ गतेपछि केयु उपकुलपतिविहीन थियो। दुई साताअघि उपकुलपति सिफारिस समितिले माकाजूसहित पाँचजनाको नाम सिफारिस गरेको थियो । जस अनुसार माकाजू सहित भद्रमान तुलाधर, मनप्रसाद वाग्ले, भोला थापा र जनार्दन लामिछाने सिफारिसमा परेका थिए ।
माकाजुमाथि मेडिकल शिक्षामा बेथिति निम्त्याएको आरोप छ ।