प्रचण्डको नामै लिएर विप्लबले भने 'राष्ट्रघात गर्ने दलालहरुलाई कडा कारबाही गर्छौ' (बिज्ञप्तिसहित)

नेत्र बिक्रम चन्द विप्लब नेतृत्वको नेपाल कम्युनिस्ट पार्टी (माओबादी)ले  नेपालको एक मात्र अन्तराष्ट्रिय विमानस्थलमा भारतीय हवाई सुरक्षा बल (एयर मार्सल ) राख्ने सम्झौता प्रति आपत्ति जनाएको छ ।  

 महासचिव विप्लवले मंगलवार एक विज्ञप्ती जारी गर्दै  यस कदमबारे सरकारले जनतालाई  जानकारी गराउनु पर्ने माग गरेको छ  ।  यो कदम गम्भीर राष्ट्रघात र आत्मसमर्पण भएको निस्कर्ष निकाल्दै सम्झौताको बास्तविकता बाहिर ल्याउन भनेको छ  ।  

बिज्ञप्तिमा यस अघि हिसिला यमी पर्यटन मन्त्री हुँदा पनि यस्तो सम्झौता गर्न खोजिएको तर पार्टीले नदेको र अहिले प्रचण्ड प्रधानमन्त्री हुँदा सम्झौता हुनु जनघात, राष्ट्रघात, लज्जास्पद र असह्य भएको उल्लेख गरिएको छ । बिज्ञप्तिमा भनिएको छ 'यस्तो राष्ट्रघाती सम्झौता गर्ने दलालहरुलाई कडा कारबाही गर्ने चेतावनी समेत दिन चाहन्छु' ।​  बिज्ञप्तिमा सझौता गरेका भनेका मन्त्रालयका सहसचिव सुरेश आचार्यलाई समेत सत्य तथ्य बाहिर ल्यान आग्रह गरिएको छ ।

बिज्ञप्तिमा उक्त सम्झौता खारेज गर्न माग गरिएको छ  । त्यसो नगरे संघर्षमा उत्रने चेतावनी समेत पार्टीले दिएको छ  ।