पोखरामा चलिरहेको नेपाल साहित्य महोत्सवमा हाँस्यव्यंग्य कलाकार मदनकृष्ण श्रेष्ठ र हरिवंश आचार्य महजोडीले विशेष प्रस्तुति दिएर दर्शकलाई मनोरंजन प्रदान गरेका छन् । मह जोडीले महोत्सवको दोस्रो दिन 'मह प्रहसन' प्रस्तुत गरेर दर्शक हसाएका हुन् ।
झण्डै १५ मिनेटको प्रहसनमा मदन कृष्ण श्रेष्ठले एक पर्यटनको भूमिका निभाएका थिए भने हरिबंश आचार्य आम नेपाली बनेका थिए । प्रहसनमा लोकतन्त्रपछिको विकृतिलाई व्यंग्य गरिएको थियो ।
आचार्यले नेपालका दुईसय नेतालाई लण्डनको चिडियाखानामा लगेर राख्न श्रेष्ठलाई प्रस्ताव गर्दा दर्शकले हाँसो थाम्न सकेनन । त्यस्तै लोडसेडिङ हुँदा फ्रिजमा लुगा राख्ने बताउंदा दर्शकहरु पेट मिची मिची हासेका थिए ।
हेर्नुस भिडियो।