सर्वोच्च अदालतले नेपाल प्रहरीको महानिरिक्षकमा नियुक्त गरिएका जयबहादुर चन्दको नियुक्ती कार्यान्वयन नगर्न अन्तरिम आदेश दिएको छ । आज बिहान बसेको मन्त्रिपरिषदको बैठकले तेस्रो वरियताका जयबहादुर चन्दलाई महानिरिक्षकमा नियुक्ति गरेको थियो ।
अधिवक्ता कपिल ढकालले शुक्रबार नै चन्दको नियुक्त गर्न रिट दायर गरेका थिए । रिट माथि प्रारम्भिक सुनुवाई गर्दै प्रधानन्यायाधीश सुशीला कार्कीको एकल इजलासले नियुक्ती कार्यान्वयन नगर्न अन्तरिम आदेश जारी गरेको हो ।
अदातलले यस सम्बन्धमा अर्को सुनुवाईको लागि उपस्थित हुन विपक्षीहरुलाई आदेश समेत दिएको छ । साथै चन्दलाई प्रहरी प्रमुख बनाउने निर्णय र १३ जना डीआईजीकोे कार्यसम्पदन फाइल झिकाउन आदेश दिएको छ ।